ብሚኒስትር ሚንስቴር ፕላንን ልምዓትን ፌደራል ዝምራሕ ልኡኽ መቐለ ኣትዮ
ብሚኒስትር ሚንስቴር ፕላንን ልምዓትን ፌደራል ዶ/ር ፍፁም ኣሰፋ ኣዴላ ዝምራሕ ልኡኽ ንዕላዊ ስራሕ ዑደት መቐለ ኣትዮ።
እቲ ጉጅለ ልኡኽ ኣብ መዕርፎ ነፈርቲ ኣሉላ ኣባነጋ እንትበፅሕ ብምክትል ርእሰ ምምሕዳርን ሓላፊ ዘይምእኹል ምሕደራን ዲሞክራታይዜሽንን ጀነራል ፃድቃን ኣቀባብላ ተገይሩሉ ኣሎ።
ኣብቲ መድረኽ ዝተረኸቡ ጀነራል ፃድቃን ኣብ ልዕሊ ትግራይ ዝተኻየደ ፅንተታዊ ኩናት ስዒቡ ዝበፅሐ ዕንወት ከቢድ ምዃኑ ብምሕባር ንዳግመ ህንፀት ትግራይ ትኹረት ገይርካ ምስራሕ ኣገዳሲ ከምዝኾነ ገሊፆም።
ሚኒስትር ዶ/ር ፍፁም ኣሰፋ ብወገነን በቲ ኩናት ዝበፅሐ ኩለ መዳይ ማሕበረ ኢኮኖሚ ስራሕቲ ዳግመ ህንፀት ንምስላጥ ኣብ ሃገራዊ ትልሚ ከምዝተኻተተ ገሊፀን ።
እቲ ልኡኽ ናብ ትግራይ ዝመፅእሉ ምኽንያት ድማ ብሓበር ንምስራሕ ዘኽእል ትልሚ ንምሕንፃፅ ከምዝኾነ ተገሊፁ።
እቲ ጉጅለ ልኡኽ ኣብ ግዝያዊ ምምሕዳር ሓላፊት ኮሚሽን ፕላንን ልምዓትን ዶ/ር ሃንሳ ተኽላይ በቲ ኮሚሽን ዝተተለሙ ስራሕቲ ዝቐረበ እንትኾን ምስቲ ጉጅለ ልኡኽ ዘተ እናካየዱ እዮም ።
ኣብቲ ዘተ ኣብ ግዝያዊ ምምሕዳር ዝተፈላለዮ ሓለፍቲ ስራሕ ተረኺቦም እዮም ይብል ፀብፃብ ቴሌቪዥን ትግራይ ።
07 ሚያዝያ 2016 ዓ.ም
መቐለ
