ኣብ’ቲ መድረኽ ዝተረኸቡ ዶክተር ደብረፅዮን ከምዝበልዎ፥ ካብ ዝሓለፈ ዓመት ጀሚሩ እቲ መፅናዕቲ እናተኻየደ ፀኒሑ።

ኣብዚ ሐዚ እዋን ድማ እቲ መፅናዕቲ ካብ ወፃኢ ሃገር ተሞክሮ ብምውሳድ ንህዝቢ ዝጠቅም መፅናዕቲ ተኻይዱ ኣሎ ኢሎም።

ብመሰረት እቲ መፅናዕቲ፥ ወረዳታት ትግራይ ሃፍተገነተንን በዝሒ ህዝበንን ተሓሳቢ ብምግባር ልዕሊ ተወሰኽቲ 17 ወረዳታት ክፈጥራ ዝኽእላ ከባቢታት ኣለዋ።

እቶም ምሁራት ተጋሩ ካብ ቬትናም ብዝተረኸበ ተሞክሮ ነቲ መፅናዕቲ ከምዘካየድዎ እውን ተሓቢሩ።

እቲ መፅናዕትን ሽም እተን ወረዳታት ዝኾና ከባቢታትን ምስ ህዝቢ ተዘትዮሉ ቤት ምኽሪ ክልል ትግራይ ምስ ኣፅደቖ ተግባራዊ ክኸውን እዮ ድማ ኢሎም።

መቐለ፡ 18 ሓመለ፣ 2011 ዓ/ም